इटहरी / २७औँ जनयुद्ध दिवस नेकपा माओवादी केन्द्र र पाटीको भातृ सङ्गठन वाइसीयल नेपाल, अखिल क्रान्तिकारी लगायत जनवर्गीय सङ्गठनहरूले आज विशेष कार्यक्रमको आयोजना गरेर मनाएका छन् । २०५२ साल फागुन १ मा तत्कालीन विद्रोही माओवादीले सशस्त्र युद्धको थालनी गरेको थियो ।
२७ वर्षअघि आजकै दिन संविधानसभाबाट संविधान बनाउनुपर्ने, राजतन्त्रको अन्त्य र जनवादी व्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर माओवादीले नेपालमा सशस्त्र विद्रोहको सुरुवात गरेको थियो ।
५ मङ्सिर २०६३ मा विस्तृत शान्ति सम्झौता गरेपछि सशस्त्र विद्रोह औपचारिक रूपमा अन्त्य भएको थियो । सशस्त्र विद्रोह सुरु भएको दिनलाई माओवादीहरूले जनयुद्ध दिवसका रूपमा मनाउँदै आएका छन् ।
यस अवसरमा सुनसरीमा पनि नेकपा माओवादी केन्द्र र भातृ सङ्गठनहरूले विभिन्न कार्यक्रम आयोजना गरी जनयुद्ध दिवस मनाएका छन् ।
आज आयोजित विभिन्न कार्यक्रमको तस्बिरहरू
