मल्मलि धासे चउरमा
शीतल हावाको
सिरसिरे स्पन्दनमा
नटुङ्गिने अनवरत
पैदल यात्राको गोरेटोहरू नाप्दै
फोडा उठेका पाइतालाहरुले
धिस्रिदै र बामे सर्दै
तिम्रो भव्य सुन्दरतालाई
मैले पहिलो पटक स्पर्श गर्दा
बिना काउकुती
बिना कुनै जोक्स
मेरो ओठबाट फुत्किएको
भर्जिन मुस्कानका लागि
ओ १ पाटन कि रानी
तिमिलाई विशेष धन्यवाद छ
आफैले आफैलाई
बोक्दा बोक्दै
लखतरान भएका काधहरुले
थकाई मार्न खोज्दा
उकुस मुकुसले
ऐठन परेको बेला
बेचैन अनि शिथिल मनोभावहरुलाई
एक मुठ्ठी उर्जा दिने
ओ पटन कि राजधानि
पाइला पाइला
तिमिकन आउन नसके पनि
कयौँ काशीरामहरूको
स्वागत गर्न तिमिले ओछ्याएको
हरियो गलैँचाका लागि
तिमिलाई विशेष धन्यवाद छ
फेरि फेरि तिमिलाई
यसै गरी तिमिलाई
तब मात्र भेट्न आउने छु
जब तिमि सँग
जोड्ने बाटो हुनेछ
अक्करे भीर काटेर
फलिली सररर
पाइला पाइला
समतल सोझो
केवल
पाइला पाइला
