नेकपा कार्यदल प्रतिवेदनप्रति नेपालको असहमति

  • प्रकाशित मिति: भदौ १९, २०७७ / सञ्चारलय
alt

काठमाडौं । नेकपाका वरिष्ठ नेता माधव नेपालले पार्टी विवाद समाधान गर्न गठन गरिएको कार्यदलले बुझाएको प्रतिवेदनमा असहमति जनाएका छन्। उनले १५ बुँदामा आधारित रहेर मौखिक रूपमा आफ्नो असहमति पार्टी बैठकमा राखेका हुन्।

बिहीबारको सचिवालय बैठकमा महासचिव विष्णु पौडेल नेतृत्वको कार्यदलको प्रतिवेदनमाथि धारणा राख्दै नेता नेपालले असन्तुष्टि राखेका हुन्। उनले दुई अध्यक्षको समन्वयमा पार्टी सञ्चालनदेखि कार्यकारी अध्यक्षका सवालमा व्यवस्था गरिएको कार्यकारी अधिकार र एक व्यक्ति एक जिम्मेवारीका विषयसम्म केन्द्रित रहेर टिप्पणी गरे।

कार्यदलको सुझाव अमूर्त र अस्पष्ट रहेको भन्दै नेपालले प्रतिवेदन सच्याउन जरुरी रहेको बताए। ‘उहाँ (माधव) ले मौखिक रूपमा विभिन्न विषय उठान गरेर आफ्ना मत राख्नु भएको छ, प्रतिवेदन अष्पष्ट र अमूर्त रहेको भन्दै आफूले उठाएका विषय समेटेर प्रतिवेदनलाई सच्याउन आग्रह गर्नु भएको छ’, सचिवालयका एक सदस्यले भने।

नेता नेपालले अध्यक्ष पुष्पकमल दाहालको कार्य विभाजनमा मूलतः कार्यकारी अधिकार भनिएको विषयमा त्यसको व्याख्या नपुगेको बताएका छन्। यस्तै, एक व्यक्ति एक पदको जिम्मेवारी विधानको धारा ४६ (क)मा रहे पनि त्यस विषयमा प्रतिवेदनमा किटानीका साथ कुनै विषय समेटेर नआएकोमा उनले असन्तुष्ट व्यक्त गरेका छन्।

दुई अध्यक्ष र महासचिवले कुनै पनि प्रस्ताव पार्टी बैठकमा निर्णयका लागि प्रस्तुत गर्ने भनिएको प्रतिवेदनमा पनि नेपालले विधानविपरीत व्याख्या कार्यदलले गर्न खोजेको भन्दै असन्तुष्टि पोखेका छन्।

विधानको धारा ६० ले बहुमतको निर्णय पार्टी निर्णय हुने उल्लेख गरेको स्मरण गर्दै उनले बैठकमा दुई अध्यक्ष र महासचिवको मात्र प्रस्ताव पार्टी निर्णय हुने गरी प्रतिवेदन आएको भन्दै कार्यदलले विधानविपरीत व्याख्या गर्न नसक्ने बताएका थिए।

पार्टीभित्र षड्यन्त्र, गुटबन्दी अन्त्य गर्ने कुरा प्रतिवेदनमा भनिएकोमा अहिलेसम्म त्यस्तो दाउपेज र षड्यन्त्र कसले गरेको हो त्यो विषय पनि प्रतिवेदनमा उल्लेख गर्न नेता नेपालले माग गरेका छन्। ‘पार्टी एकता अक्षुष्ण राख्ने भनेको के हो?पार्टीभित्रको समस्या समाधान नगर्ने, पन्छाउने, फरक मत राख्नेप्रति असहिष्णु व्यवहार राख्नेका सन्दर्भमा पनि प्रतिवेदनमा केही आएन, यो विषय पनि प्रष्ट हुने गरी थप्नुपर्छ’, नेपालको भनाइ उद्धृत गर्दै सचिवालयका ती नेताले बताए।

दुई अध्यक्षको समन्वयमा पार्टी सञ्चालनको कुरा गरेर कमिटीको महत्वलाई कमजोर बनाउने काम भएको उनको भनाइ छ।

तपाईको प्रतिक्रिया दिनुहोस्

इटहरीमा थप १० जनामा ...

सुनसरीको इटहरीमा थप १० जनामा कोरोना सङ्क्रमण पुष्टि भएको छ । गत असोज ९ गते गरिएको परीक्षण मध्ये थप ज ...

बसको ठक्करबाट स्कुटर ...

काठमाडौं । यात्रुबाहक बसले स्कुटरलाई ठक्कर दिदाँ एकै परिवारका ३ जनाको घटनास्थलमै मृत्यु भएको छ । आज ...

मोरङका १ सय ६७ सहित ...

इटहरी: प्रदेश १ मा गएको २४ घण्टामा १ सय ८१ जना कोरोना सङ्क्रमित थपिएका छन् । दैनिक सङ्क्रमण सङ्ख्याम ...

चीनमा कोइला खानीमा च ...

काठमाडौं। चीनको एक कोइला खानीमा च्यापिएर कम्तीमा १६ जना मजदुरको मृत्यु भएको छ । दक्षिणपश्चिमी चीनको ...

इटहरीमा थप ९ जनामा क ...

इटहरी । इटहरीमा थप ९ जनामा कोरोना संक्रमण पुष्टि भएको छ ।असोज ८ गते गरिएको परीक्षणमध्ये ९ जनामा कोरो ...

क्यान्सर पीडित ४ वर् ...

झापाको दमकका ४ वर्षीय क्यान्सर पीडित बालकलाई २२ वटा क्लबले आर्थिक सहयोग गरेका छन् । आर्थिक अवस्था कम ...