इटहरी आइसोलेसनमा टिका, जमरा लिएर पुग्दा सङ्क्रमितको मुहारमा देखिएको त्यो खुसी

  • प्रकाशित मिति: कार्तिक १०, २०७७ / सञ्चारलय
alt

इटहरी उपमहानगरकी उपमेयर लक्ष्मी गौतम र कोरोना नियन्त्रण तथा रोकथाम उपसमिति संयोजक वडा नम्बर ९ का वडाध्यक्ष भूपेन्द्र बराल जब इटहरी रङ्गशालाको आइसोलेसन पुगे, २१ जना कोरोना सङ्क्रमित खाली निधार लिएर बसेका थिए । विजयादशमीको दिन सबैको अनुहार मलिन थियो ।

उपमेयर गौतमको टोलीले रातो टिका, पहेँलो जमरा र मिठाई लिएर पुग्दा सबैको मुहार हँसिलो देखिएको थियो । यो वर्षको दसैंलाई माया मारी सकेका संक्रमितले रातो टिका र पहेंलो जमरा लगाउन पाउँदा सबै खुसी भएका थिए । आइसोलेसनमा रहेका सङ्क्रमितहरूले संयुक्त रूपमा विजया दशमीको टिका लगाएका थिए । आइसोलेसनमा रहेकी एक जना ७८ वर्षिया आमाले सबै सङ्क्रमितहरूलाई टिका लगाइ दिइन् । उनले अबदेखि यस्तो अवस्थामा कहिल्यै पनि टीका लगाउनु नपरोस् भन्ने आर्सीवाद दिएकी थिइन् ।

टीकाको दिन उपमेयर आउँदा आमा आएको जस्तो लागेको सङ्क्रमितहरूले बताए । परिवारबाट छुटेर बस्नुपर्दा नराम्रो लागिरहेको वेला दसैँ ल्याइदिएको भन्दै सङ्क्रमितहरूले धन्यवाद ज्ञापन गरे । आइसोलेसनमै भए पनि टिका लगाउन पाउँदा सङ्क्रमितहरूले खुसी व्यक्त गरेका छन् । दसैँ जस्तो चाडका वेला पनि आइसोलेसनमा बस्नुपर्दा सङ्क्रमितहरूले दुःख मानेका होलान् भनेर शुभकामना र सान्त्वना प्रदान गर्न टीका,जमरा लिएर आइसोलेसन गएको उपमेयर गौतमले बताइन् ।

त्यस्तै उपमेयर गौतमले आफ्नै खर्चमा आइसोलेसनमा रहेका सङ्क्रमितका लागि ५ केजी खसीको मासुको समेत किनेर दिएकी छिन् । आइसोलेसनमा २१ जना सङ्क्रमित छन् । यसअघि उपमेयर गौतमले आइसोलेसनमा रहेका सङ्क्रमितहरू सँग आफ्नो जन्मदिन समेत मनाएकी थिइन् ।

 

rangasala 2 rangasala 4 1 rangasala 5 1

तपाईको प्रतिक्रिया दिनुहोस्

नोबेलमा उपचाररत २ जन ...

इटहरी । विराटनगरस्थित नोबेल मेडिकल कलेजमा उपचाररत २ जना कोरोना संक्रमितको मृत्यु भएको छ । मृत्यु हु ...

वीपी प्रतिष्ठानमा उप ...

इटहरी । धरानस्थित वीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचाररत सप्तरीका कारोन ...

अक्सफोर्ड विश्वविद्य ...

काठमाडौं । नेपालमा कोरोनाविरुद्धको खोप ल्याउन भारतको सिरम इन्स्टिच्युट अफ इन्डिया (एसआईआई) का प्रमुख ...

काठमाडौं–तराई मधेस द ...

नेपाली सेनाले काठमाडौं–तराई मधेस दु्रतमार्ग निर्माणको कामले गति लिएको भन्दै निर्धारित समयसीमाभ ...

‘सरकार जसले चलाए पनि ...

सत्तारुढ नेकपाभित्र चुलिएको अन्तरबिरोध ब्यवस्थापनका नाममा प्रधानमन्त्री तथा अध्यक्ष केपी शर्मा ओलीले ...

आजको राशिफल ...

मेष (चु, चे, चो, ला, लि, लु, ले, लो, अ)भैपरी आउने खर्चले चिन्ता बढाउन सक्छ। समय दिन नसक्दा बन्न लागे ...