इलाम । सूर्योदय नगरपालिका–८ पाल्टाङ्गेस्थित सुभाकर पुरासैनीको घरमा गएराति आगलागी भएको छ ।
विद्युत सर्ट भई भएको आगलागीमा नगद ७० हजार रूपैयाँ, घरमा रहेको कस्मेटिक पसल, फर्निचर लगायतका सामान जलेर करिब ९ लाख ७० हजार रूपैयाँ बराबरको धनमाल नष्ट भएको प्रहरीले जनाएको छ ।
स्थानीय बासिन्दा र दमकलको सहयोगमा आगलागी नियन्त्रणमा लिइएको र यस सम्बन्धमा आवश्यक अनुसन्धान गरिरहेको प्रहरीले जनाएको छ ।
