काठमाडौं । शहिद स्मारक ए डिभिजन लिगमा आज दुई खेल हुँदैछन् । आजको खेलमा नेपाल पुलिस क्लव र हिमालयन शेर्पा भिडने छन भने दोस्रो खेलमा जावलाखेल युथ क्लब र खुमलटार प्रतिस्पर्धामा उत्रने छन् ।
एन्फा कम्प्लेक्समा जावलाखेल युथ क्लब र खुमलटारबीच प्रतिस्पर्धा हुनेछ । सो खेल अपरान्ह ३ बजेवाट सुरु हुनेछ । शीर्ष स्थानमा रहेको जावलाखेलले १४ खेलवाट २४ अंक जोडेको छ भने समान खेल खेलेको खुमलटार भने १४ अंकमा सिमित रहेको छ ।
यसैगरी, दशरथ रंगशालामा पुलिस क्लब र हिमालयन शेर्पा एक आपसमा प्रतिस्पर्धामा उत्रनेछन् । निरन्तर बर्षाको कारण च्यासल मैदान खराब भए पछि उक्त खेल रंगशालमा हुन लागेको हो ।
पुलिसले १४ खेलवाट १५ अंक बटुलेर १२ औं स्थानमा पुगेको छ भने शेर्पा १४ खेलवाट १७ अंकसहित दशौँ स्थानमा छ ।
