भोजपुर । कोराना भाइरस सङ्क्रमण बढेसंगै भोजपुरको टेम्केमैयुङ गाउँपालिकाका सम्पूर्ण विद्यालय बन्द भएका छन् । मङ्गलबारदेखि ६ दिनका लागि सम्पूर्ण विद्यालय बन्द गरिएको हो ।
शिक्षक र विद्यार्थीमा कोरोना संक्रमण देखिएपछि विद्यालय बन्द गरिएको गाउँपालिकाले जनाएको छ ।
स्वास्थ्य कार्यालय भोजपुरका अनुसार यस गाउँपालिकामा सबैभन्दा बढी सङ्क्रण देखिएको छ । यहाँ एकैदिन ५५ जनामा कोराना भाइरस सङ्क्रमण पुष्टि भएको छ ।
मङ्गलबारसम्म जिल्लामा ५८ जनामा सङ्क्रमण पुष्टि भएको स्वास्थ्य कार्यालय जनाएको छ । सङ्क्रमणको अवस्था हेरेर बन्द विद्यालय सञ्चालन गरिने गाउँपालिकाको शिक्षा शाखाले जनाएको छ ।
