काठमाडौँ । लोकप्रिय गायक राजेशपायल राईको नयाँ गीत ‘लेखेको भावी २’ सार्वजनिक भएको छ । विक्रम संगम राईको शब्द तथा संगीत रहेको गीतमा बिसम आचार्यको एरेन्ज रहेको छ ।
गीतको भिडियोमा भने एलिशा राई र उत्तम राईको अभिनय छ । प्रेमकथा बुनिएको भिडियो सौरभ लामाले निर्देशन गरेका हुन् ।
दीप सिकेको नृत्य, हिमाल श्रेष्ठको छायाङ्कन रहेको भिडियो सन्देश शाहले सम्पादन गरेका हुन् । भिडियो साँखु र भक्तपुरको आकर्षक स्थानमा खिचिएको हो । ‘लेखेको भावी मेटिँदैन’ बोलको गीतको सफलतापछि त्यसैको सिक्वेलको रूपमा यो गीत तयार पारिएको हो ।
