काठमाडौँ । गायक सुरेश लामा र गायिका रचना रिमालको युगल गायनमा रहेको ‘अल्झिएको हुन्छु म’ बोलको गीत सार्वजनिक भएको छ । रोमान्टिक शैलीको गीतमा शब्द विष्णुबाबु देवकोटा र सङ्गीत टिका दाहालको छ । गीतमा राहुल प्रधानको सङ्गीत संयोजन रहेको छ ।
भिडियोमा कैलाश न्यौपाने र क्रिष्टिना अनुबीचको प्रेम र रोमान्स देख्न सकिन्छ । कैलाश र क्रिष्टिनाले यसै भिडियो मार्फत मोडलिङमा डेब्यु गरेका हुन् । अस्ट्रेलियाको विभिन्न रमणीय ठाउँहरूमा छायाङ्कन गरिएको गीतको भिडियोलाई सुरज पाण्डेले खिचेका हुन् ।
दिन्सन शाहको सम्पादन रहेको भिडियो भिम न्यौपानेले निर्देशन गरेका हुन् । बुद्ध ट्राभल एण्ड टुरको निर्माण सहयोग रहेको भिडियोलाई ‘बिजी इन्टरटेन्मेण्ट’ले सार्वजनिक गरेको हो ।
