काठमाडौंँ । गायक शिव परियारले आफ्नो नयाँ गीत ‘देखे जस्तो लाग्यो’ सार्वजनिक गरेका छन् । प्रतिभा ढुंगानाको शब्द र देवेन्द्र बरालको संगीत रहेको गीतमा दिनेश न्यौपानेको संगीत संयोजन छ ।
नेपालमा अझै १५ लाख बालबालिकाहरु श्रमिकको रूपमा काम गर्न बाध्य रहेको अवस्थामा र बालश्रम नगराउ भन्ने सामाजिक सन्देश गीतमा छ । भिडियोमा मोडेल विकास लामिछाने र बिना राउतको अभिनय छ ।
उनीहरुलाई अभिनयमा बालकलाकार शास्वतविक्रम शाही र सुरंगना शाहीले साथ दिएका छन् । विशाल थापा छायांकन, दिन्सन शाहको सम्पादन रहेको भिडियो गणेश शाहीले निर्देशन गरेका हुन् ।
